La recogida selectiva puerta a puerta rebasa la barrera del 80% de residuos reciclados.

Euskadi ha conocido numerosas revoluciones. La de Francia, la revolución industrial y las de Rusia y Portugal, entre otras. Ahora, la localidad de Usurbil, en Guipúzcoa, ha comenzado otra pequeña revolución con la recogida selectiva de residuos puerta a puerta, y en Mayo le seguirán Oiartzun y Hernani.

Los ciudadanos ven con preocupación el problema de la capa de ozono pero la realidad es que el nivel de consumo no para de crecer. La Mancomunidad de San Marcos ha intervenido en el meollo de la cuestión, es decir, en el sistema de recogida.

Con el actual sistema de recogida solo se reciclan el 30% de los residuos. Según el presidente de la Mancomunidad SM Ricardo Ortega “El sistema de recogida selectiva provoca un reciclaje del 80% de los residuos. Los vertederos tóxicos que hasta ahora conocemos no tienen ya sentido y la planta incineradora que quieren abrir en Zubieta, además de perjudicar la salud pública y el medio ambiente, no tiene ni pies ni cabeza. Usurbil ha sido sólo el principio y pronto le seguirán otras localidades, ya que es lógico: ¿Por qué continuar con el actual sistema de recogida si no existe otro sistema tan eficaz, limpio y económico que el de la recogida selectiva?”

 

XXI. mendeko iraultza

Gaikako bilketa maila %80ko langa gainditzen du atez ateko bilketak

Iraultza asko ezagutu ditu Euskal Herriak. Frantziakoa bete-betean XVIII. mendean. Industriala ere hurbil hurbiletik XIX. mendearen amaieran, eta Errusiakoa, Kubakoa, Portugalgoa... urrutiagotik XX.enean. Orain, Gipuzkoako herri txiki batek, Usurbilek, beste iraultza bat hasi du, hiri hondakinen iraultza atez ateko bilketa sistemarekin, eta Oiartzun eta Hernani maiatzaren hasieran.


Herritarrek kezkaz ikusten dute ozono geruzan sortzen ari den zuloa eta planetaren berotzeak ondorio larriak ekarriko dituela jabe dira, baina, aldi berean, kontsumoaren mailak ez du mugarik, eta azkenean hondakinak bihurtu dira.

Gipuzkoako ia populazioaren erdiaren hondakinak kudeatzen dituen San Marko Mankomunitateak (SM) arazoaren muinari heldu dio, bilketa sistemari, alegia. Egungo edukiontzien sistemak beira, papera, eta ontziak gaika biltzen ditu, eta gainerakoa zabortzat jotzen du. Hala, zabor poltsan ateratzen dugun materia organiko guztia, zabor poltsaren %40 inguru, zaborrarekin batera, nahasita, zabortegira botatzen da.

Honela, egoera onenean bilketa selektiboaren maila %30era iristea lortu da.

Konponbidea: atez ateko bilketa

San Marko Mankomunitateak, Usurbilgo udalarekin batera, elkarlanean, atez ateko bilketa indarrean jarri du birziklatzen diren orain arteko lehengaiez gain, materia organikoa ere gaika biltzeko, ondoren konpostatu eta ongarri gisa erabiltzeko. “Guk arazoa konpondu nahi dugu, eta nola konpondu ere badakigu”, dio SMko lehendakari Ricardo Ortegak.

Bere iritziz, egungo edukiontzien sistemak goia jo du, baina Usurbilen martxan jarri den atez ateko bilketak lehengai den guztia gaika biltzea bermatzen du eta horrek iraultza ekarri du Euskal Herrira. “Atez ateko bilketa sistema honek frogatu du %80tik gora birzikla daitekeela, orain arte ezagutzen genituen San Markoko bezalako zabortegi zaharkitu eta kutsakorrek zentzurik ez dutela eta Zubietan eraiki nahi den errauste planta toxikoak osasun publikoan eta ingurumenean egingo dituen kalteaz gain, ez duela ez hanka ez buru”. Ortegak dio atez ateko bilketak ez duela alternatibarik, “ez dagoelako atez atekoa bezain sistema eraginkor, garbiago eta merkeagorik”.

Ohitura aldaketa, emaitza  ikusgarriak

Astean hiru egunez biltzen da organikoa, bitan ontziak, behin papera eta beste behin errefusa. Herritarrek erabakitzen dute ordutegia eta horren arabera, kamioia etxe aurretik pasatu arte, jaitsi behar dute egun horretako hondakina eta etxe atarian jarritako zintzilikatzekoetan uzten dute. Organikoa udalak banatutako 10 litroko pote marroi batean ateratzen da, papera paperezko poltsetan edo kartoi kaxetan, ontziak plastikozko poltsetan eta errefusa  plastikozko poltsetan ere. Beira, orain arte bezala, kaleko igluetan jasotzen da. Norbaitek, arrazoin bategatik edo bestegatik ordutegiarekin edo egutegiarekin arazorik badu herrian bi larrialdi gune daude astean zazpi egunez, 24 orduz zabalik daudenak.

“Etxean ohitura aldaketa txiki bat eginez, emaitzak ikusgarriak lortu dira” ziurtatu du Ricardo Ortegak. SMko lehendakariak dio uztaila arteko emaitzak ezinhobeak direla. “Usurbilgo birziklatze maila %28,43tik %81,52ra igotzera lortu da lehen lau hilabeteotan bataz beste, beti %80ko langaren gainetik. Hau ez da inoiz gertatu Euskal Herrian, hondakinen kudeaketan iraultza hasi da Usurbilen, horregatik diogu arazoak konponbidea duela”.

Ortegak dio Usurbil hasiera besterik ez dela, “Oiartzun eta Hernani berehala hasiko dira, zentzuzkoa baita: zergatik jarraitu gaur egungo edukiontzien sistemarekin atez atekoa bezain sistema eraginkor, garbiago eta merkeagorik ez badago?”

< Anterior		Siguiente >